มาฟังต่อกันจากเมื่อวานนี้ครับ เรื่องราวของชาวนาในชนบท

กินง่าย อยู่ง่าย ถึงเวลากินก็กินได้

ถึงเวลานอนก็นอนหลับสนิท

เพื่อพรุ่งเช้าจะได้มีแรงต่อลงนาตามประสา

ค่ำลงก็กลับคืนเรือน ...

รุ่งเช้าก็อออกนา...

เป็นอยูอย่างนี้....

ชั่วนาตาปี................................

******************************

โอ่ย......ฟ้าเอ้ยฟ้าฮ้องฟ้าฮ้องค่อยเสียงโยนๆดังไกล

เป็นหยังเด้จั่งบ่ไปฮ้องใกล้หัวคันไดพอให้น้องได้นอนฮ่ำ

เสียงฟ้าฮ้องตึ้มตั้มสาวหมอลำคิดฮอดซู้ได้หลงโอ้.

.โอ่บ่เซา.....โอ่บ่เซา............โอ้ย....หล่ะน่า.................

เอออันนี่ต่อจากนี่สิได้ลำต่อกลอนสอง..สองผัวเมียทำนา

ซ่อยกันกะจนแล่วพอจากเสร็จดำแล้ว ตาเว็นค่ายค่ำ

พ่อบักหำขึ้นเถาะเจ้าหลกกล้าว่าแหน่เด้อ

พ่อว่าเอ้อ เมือก่อนสาตี๊ข้อยสิหลกคนเดียวแม่อีนางเมือบ้าน

พอจาแล้วเตรียมเอาถ้วยบ่วงหาบกะต่าต่องต้อนทั้งอุ้มว่าลูกนำ

เสียงฟ้าฮ่องตึ้มตั้มฟ่าวหย่างมาเฮือนเสียงฝนมามืดมัวเมาฟ้า

นำคันนาคืนเมือบ้านเขียดจินาฮ่องอ้อบแอ้บเหลียวเบิ่งน้ำ

ว่อบแว่บเป็นคลื่นจั่งทะเล.......มองมาบ้านเห็นโนนตาลมืดจุ่มคุ่ม

เห็นแต่ก่อไผบ้านล่ายซ่ายใบหุ่มล่ะห่อนำ

ฟ่าวหย่างจ้ำเข้าป่าส่อนลอนเสียงวอนๆเรไรส่งเสียงแมงง่วง

เห็นเป็นพวงหันหน้าหางนกยูงเหลืองอุ่ยฮุย

เสียงคนคุยสิเข้าบ้านเย็นแล้วสิต่าวเมือ

อุ้มลูกเต้าจูงหมู่งัวควย(ควาย)ฝนตกฮำเร่งไวๆเข้า

ไวๆจ้าวเสียงฮือเซือกฟาดควยบักเลพองตู้เด็กน้อยว่าขี่หลัง

เสียงมะลึ่งตึ้งตั้งฝนไล่มาทันฝนตกลงเปียกปอนเต็มเปื้อน

พอเถิงเฮือนมือน้าวหัวคันไดงับแงบคันแม่นวางต่าไว้..

สิเตรียมซิ่น...แหม่นเปลี่นแพร.....แหม่นเปลี่ยนแพร....

อันนี่ผูกควยแหม่ลูกหล่าอย่าสุไห่มันหลุด

ผักปะตูตีไลใสกลอนให้มันแน่น แม่สิดังไฟถ่า

เอาปลามาต้มป่น คั่นพ่อใหญ่ผู้อยู่บ้านอะฮือพร้อมพ่องถาม

น้ำบ่ถ่วมบ่อีหล้าไฮ่ใหญ่กกสะแบงดินบ่แข็งบ่อีนางไฮ่ใหญ่แคมโพนนั่น

เสียงถามกันเต็มบ้านกลับจากนาพุ่มพู เถิงยามนอนพากันขดขี่คู่นอนแล้วกะบ่ตีง

อันจั่งซี่เผิ่นจั่งว่าซาวนา เถิงเวลาสมควรสิต่าวลาเด้อค่า

หวีสิลาเด้อค่าสิขอลาไปก่อนพวกพ่อเฒ่าแม่ลูกอ่อน

หลานสิขอจากแล้วคุณป้ากะพ่องอาจักหน่อยนี่สิได้หย่างคอมมอม

ไปคอมมอมดังกะปอมงอยไม้หลานสิไลเมือบ้าน

หนองไหลคำมืดจุ่มคุมเห็นแต่กอไผ่หุ้มสิเมือบ้าน

แหม่นก่อนเด้อ..สิลาแล้ว  คูซุคน.....คูซุคน.........

********

กลอนลำ - ชีวิตชาวนา ๒

คุณแม่ฉวีวรรณ  ดำเนิน (เจ้าเก่าครับ)

<< แขกพิเศษ คน