..

บันทึกในวันที่คึดฮอดบ้านแฮง

อ่วยหน้าไปทางใด๋ก็อุกใจ

อยากสิต่าวคืนบ้าน

..

..

ชีวิตชาวนา ๑

โอ้ม.....โอ่ย......ฟ้าเอ้ยฟ้าฮ้องตึ้มข่ามเขาวืมไปเซียงใหม่
ตกเด้อฮอดคลองไผ่ ฟ้าเป็นสีคึ่มคึ้ม หัวใจน้อง.......
ห่วงแต่แฟน เออ...ห่วงแต่แฟน...อึ..อือ.....โอ้......ละหนา....
เออ อันนี่ล่ะพ่อแม่เอ้ย เมษายนกายไปแล้วพฤษภาผัดมาต่อ
ฝนตกลงจ้ากจ้ากจ้นใบหญ้ากะป่งมา พวกซาวนากะเตรียมไว้
ทั่งไถกับคาด ฝั่นเซือกไว้สิไถดั้นละฮุดนาฟังเสียงจาคนเฒ่า
สูเอ้ยฮอดมืออื่น พ่อเฒ่าจ้ำบอกลูกบ้านสิพาเลี้ยงเจ้าปู่ตา
ให้สูหาเตรียมไว้เฮือนละโตเอาเด้อไก่ เบิ่งคางไก่คั่นมันซันที่ลี่
ปีนี้สิบ่ดี คันปีได๋คางไก่โค้งยาวๆคือเกี่ยวพ่อเฒ่าจ้ำบอกไว้ปีนั่นจั่งสิดี
มาเต็มทีแต่ผู้นาไกลบ้านผัวเมียเดียวเลี้ยงลูก...อ่อน
ตื่นขึ้นมาผัวไปก่อนไปไถนาคาดไว้ถ่าพอได้เจ้าเคิงงาน
แม่บักหำอยู่บ้านกะฟ่าวตื่นคือกันเตรียมเอาฟืนมาดังไฟเป่าฝูทั่งฟู่
เสียงวีไฟควนกุ้มในคัวลุกฮ่อมๆกะบองก้อมเขี่ยไว้เอาน้ำว่าใส่มวย
น้ำฮวดแล้วเอาข้าวหม่ามาซาวสองมือจับหวดมาสุบหม้อ
เสียงลูกอือไห้ไวๆไกวลูกแหน่พอลูกหลับแม่ผัดฟ่าวหาถ้วยผ่องจอง
ตักปลาแดกใส่ถ้วยเกลือตื่มแถมนำสิได้ไปนาซีพ่อบักหำไปแล้ว
เสียงเฮือนใกล้แซวๆกะฟ่าวตื่นเอิ้นใส่กันผ่องเว่าหนำๆเข้า ผ่องอะแฮม......
อันนี่หล่ะพอว่าตาวันขึ้นสีมายๆพอพุ่มพู่บ่ากะหาบต่าได้ทั่งฟ่าวล่ะผ่องเดิน
มือหนึ่งอุ้มลูกน้อยฟ่างเร่งลงนาผัวกะผัวทั้งโตกะผัดคอยกินข้าว
เสร็จดีแล้วลงดำเจ้าไหว่ไวแขนอู่ลูกน้อยไว้เสียงไห้กะซ่างมัน
มือเหนี่งคั่นตมอยู่ในนา สวยมายๆแดดเผาทั่งฮ้อน
คอบอยากมีนำบ้านซาวนาจั่งหน้าก่ำ หน้าดำๆแม่นซาวนา
เฮ็ดเลี้ยงพี่น้องคนเฒ่าจั่งเจริญ เผิ่นจั่งเอิ้นว่ากระดูกสันหลัง
คั่นบ่มีซาวนาบ่ได้เป็นเมืองบ้าน พอจากเสร็จดำแล้ว
ตาเว็นเจ้าค่ายค่ำ พ่อบักหำขึ้นเถาะเจ้า..สิหลกก้า
แม่นแหน่เด้อ......แม่นแหน่เด้อ......อืมมม โอ้นล่ะน่า..